پاک فوج اورایف سی نارتھ کی جانب سے سال2024ء میں کھیل سرگرمیوں کا آغاز

پاک فوج اور فرنٹیئر کور نارتھ نے ختم ہونے والے سال 2023 کے اعزاز میں  سوات، مالاکنڈ اور چترال کے علاوہ خیبرپختونخوا کے ضم شدہ اضلاع میں کھیلوں کی کئی سرگرمیوں کا اہتمام کیا ۔

ضم ہونے والے اضلاع کے نوجوانوں کی بڑی تعداد نے ان کھیلوں میں حصہ لیا اور لوگ کرکٹ، فٹ بال، والی بال، باسکٹ بال، کبڈی ، سائیکلنگ، اتھلیٹکس اوررسہ کشی سمیت کھیلوں کے مقابلے دیکھ کر لطف اندوز ہوئے۔

ان مقابلوں میں سب سے بڑا ٹورنامنٹ پاکستان سپورٹس فیسٹول ہے جو فروری اور مارچ کے مہینہ ان تمام اضلاع میں منعقد کیا جاتا ہے۔

جس میں ان اضلاع سے ٹیلنٹ بھی سامنے آتا ہے،اس کے ساتھ ساتھ سوات اور چترال میں سرمائی کھیلوں کے مقابلے بھی منعقد کئے جاتے ہیں،پاک فوج اور فرنٹیئر کور نارتھ کی جانب سے علاقہ میں کھیلوں کے فروغ کے لئے اہم اقدامات کے تحت نوجوانوں کو مفت کھیلوں کا سامان بھی مہیا کیا جاتا ہے،ان اقدامات کے لئے ان علاقوں کے نوجوان خوش بھی ہیں اور اس خواہش کا اظہار کرتے ہیں کہ ایسے ٹورنامنٹس کا انعقاد اسی طرح جاری رکھا جائے۔