8 فروری کو جیت صرف تحریک انصاف کی ہوگی، چیئرمین پی ٹی آئی

چیئرمین پی ٹی آئی بیرسٹرگوہرخان کا کہنا ہے کہ انشااللہ 8 فروری کو جیت صرف تحریک انصاف کی ہوگی - ہم عدلیہ سے امید کرتے ہیں بروقت الیکشن کروائے جائیں گے اگر ایک پارٹی کو الیکشن سے نکالا گیا تو جمہوریت ڈی ریل ہوگی، الیکشن کا بائیکاٹ نہیں کریں گے چاہے انڈر19 ٹیم سے لڑنا پڑے ،انکو کھلا گراؤنڈ نہیں دیں گے ۔ لیول پلینگ فیلڈ کیلئے سپریم کورٹ میں درخواست دے چکے۔

چیئرمین پی ٹی آئی بیرسٹر  گوہر خان کابانی پی ٹی آئی سے ملاقات کے بعد میڈیا سے گفتگو کرتے ہوئے کہنا تھا کہ الیکشن کا بائیکاٹ نہیں ہوگا، ”بلا“نہ ملا تو کسی بھی کامن نشان پرالیکشن لڑیں گے۔ عمران خان سے ٹکٹوں کے معاملہ پر ابتدائی مشاورت ہوئی ہے۔دو دن کی مشاورت کے بعد پراسس مکمل ہو جائے گا اور ٹکٹ فائنل کرلیں گے ۔الیکشن اہم پراسس ہے فری فیئر پراسس میں جماعتوں کی شمولیت ضروری ہے ۔

انشااللہ 8فروری کو جیت صرف تحریک انصاف کی ہوگی - ہم عدلیہ سے امید کرتے ہیں بروقت الیکشن کروائے جائیں گے اگر ایک پارٹی کو الیکشن سے نکالا گیا تو جمہوریت ڈی ریل ہوگی @BarristerGohar

pic.twitter.com/ieWzO4PfrH

— PTI (@PTIofficial) January 2, 2024

بیرسٹرگوہر خان کا کہنا تھا کہ ہمارے زیادہ تر امیدوروں کے کاغذات نامزدگی مسترد کئے گئے۔8فروری کو ہمارے مخالفین کو شکست اور جیت پی ٹی آئی کی ہو گی، سپریم کورٹ نے  آبزرویشن دی کہ الیکشن 8فروری کو ہوں گے ۔عدلیہ سے درخواست ہے کہ آپ ہی کا رول ہے ایک پارٹی کو سنگل آؤٹ کرکےنکالا جائے گا تو جمہوریت کا نقصان ہو گا معیشت ڈوب جائے گی۔

چیئرمین پی ٹی آئی بیرسٹر  گوہر خان کاکہنا تھا کہ پارٹی کیخلاف پریس کانفرنس کرنیوالوں کو ٹکٹ نہیں ملے گا۔ مولانافضل الرحمان کا الیکشن ملتوی کرنے کا مطالبہ ان کی ذاتی رائے ہی ۔جے یو آئی خیبرپختونخو اور بلوچستان تک محدود ہے ان کی سیٹیں پنجاب اور سندھ میں نہیں۔ہمارا کوئی موقف نہیں کہ الیکشن کسی صورت ملتوی ہوں،دعا ہے الیکشن خوش اسلوبی سے ہوں،پرامن ہوں۔

چیئرمین پی ٹی آئی بیرسٹر  گوہر خان ہمارے پاس 70فیصد عوام کی حمایت ہے ،جو حکومت ہارس ٹریڈنگ کے زمرے میں بن کر اتی ہے وہ کیسے ڈیلیور کر سکتی ہے۔ہارس ٹریڈنگ سے بنی حکومت کبھی بھی ملک ہو استحکام نہیں دے سکتی ۔ ایسی صورت حال میں الیکشن تو ہو جائیں گے لیکن بعد میں کیا ہو گا۔

بیرسٹر گوہر خان ہماری درخواست ہے کہ ہمیں کامن انتخابی نشان دے دیں۔ہمارے سارے امیدوار ازاد نہیں ہونے چاہیئں۔نگران سیٹ اپ سے کوئی مطمئن نہیں ہے۔