انڈونیشیا میں 5.9، مراکش میں 5.1کی شدت کا زلزلہ

جکارتہ ۔3جنوری (اے پی پی):انڈونیشیا میں 5.9 شدت کے زلزلے کے جھٹکے محسوس کئے گئے۔

شہنوا کے مطابق انڈونیشیا کی موسمیات اور جیو فزکس ایجنسی نے کہا کہ ملک کے مغربی صوبے بنتن میں بدھ کی صبح مقامی وقت کے مطابق 7 بج کر 53 منٹ پر ریکٹر سکیل پر 5.7 درجے شدت کا زلزلہ آیا۔

زلزلے کا مرکز سوکابومی ریجنسی سے 77 کلومیٹر جنوب مغرب میں اور سمندر کی تہہ میں 63 کلومیٹر کی گہرائی میں تھا۔

دوسری جانب مراکش کے علاقے آزیلال میں 5.1 کی شدت سے زلزلے کے جھٹکے محسوس کئے گئے ہیں۔

ٹی آر ٹی کے مطابق مراکش قومی جیولوجیکل انسٹی ٹیوٹ کے جاری کردہ بیان کے مطابق زلزلہ صبح کے وقت آیا اور اس کی شدت5.1ریکارڈ کی گئی ہے۔ زلزلے میں کوئی جانی یا مالی نقصان نہیں ہوا۔