اسرائیلی وزراء کی بیان بازی اشتعال انگیز اور غیر ذمہ دارانہ ہے، امریکا

امریکا نے2 اسرائیلی وزرا کے متنازع بیانات کی مذمت کرتے ہوئے کہا کہ فلسطینیوں کو غزہ سے نقل مکانی کرنے اور یہودی آبادکاروں کو محصور علاقے میں واپس آنے کی ترغیب دی جانی چاہیئے۔

غیر ملکی خبر رساں ایجنسی کے مطابق امریکی محکمہ خارجہ کے ترجمان میتھیو ملر نے کہا ہے کہ امریکا اسرائیلی وزرا بیزلیل سموٹریچ اور ایتمار بین گویر کے حالیہ بیانات کو مسترد کرتا ہے جن میں فلسطینیوں کی غزہ سے باہر آبادکاری کی وکالت کی گئی ہے، یہ بیان بازی اشتعال انگیز اور غیر ذمہ دارانہ ہے۔ غزہ فلسطینی سرزمین ہے اور فلسطینی سرزمین رہے گی۔

واضع رہے کہ اسرائیل کے نیشنل سکیورٹی کے وزیر ایتمار بین گویر نے پیر کو ایک تجویز دی تھی کہ غزہ کے رہائشیوں کو نکل مکانی کی ترغیب دینے کے حل کو فروغ دینا چاہیے، فلسطینیوں کی غزہ سے نقل مکانی اور اسرائیلی بستیوں کی دوبارہ تعمیر ایک درست، منصفانہ، اخلاقی اور انسانی حل ہے۔