انتخابی نشان، پی ٹی آئی کا کا پشاور ہائی کورٹ کے فیصلے کےخلاف سپریم کورٹ جانے کا فیصلہ

پاکستان تحریک انصاف کا پشاور ہائی کورٹ کے فیصلے کےخلاف سپریم کورٹ جائیں گے،آپ بلا لیں گے تو دنیا آپ کے الیکشن کو کبھی نہیں مانے گی۔

پی ٹی آئی کے چیئرمین بیرسٹر گوہر نے کہا ہے کہ سپریم کورٹ بلا بحال نہیں کرتی تو ہر امیدوار آزاد الیکشن لڑے گا، ہم کسی صورت الیکشن کا بائیکاٹ نہیں کریں گے۔

آپ "بلا" لیں گے تو دنیا آپ کے الیکشن کو کبھی نہیں مانے گی، آج ہی اس فیصلے کیخلاف سپریم کورٹ جائیں گے۔ @BarristerGohar کی پشاور ہائیکورٹ کے فیصلے کے بعد میڈیا سے گفتگو pic.twitter.com/OJjEwWUR4m

— PTI (@PTIofficial) January 3, 2024

راولپنڈی میں میڈیا سے گفتگو کرتے ہوئے بیرسٹر گوہر نے کہا کہ پشاور ہائی کورٹ کے فیصلے کےخلاف سپریم کورٹ جائیں گے، پارٹی سےانتخابی نشان لینا اسے تحلیل کرنےکےمترادف ہے۔ آپ کرپشن اور ہارس ٹریڈنگ کی بنیاد رکھ رہے ہیں۔

انہوں نے کہا کہ غلط فہمی ہے کہ الیکشن کمیشن کو نہیں سنا گیا، بلے کا نشان واپس لینےسے انتخابات پر سوالیہ نشان لگ جائے گا۔ اگر سپریم کورٹ بلا بحال نہیں کرتی تو ہر امیدوار آزاد الیکشن لڑے گا۔

واضح رہے کہ پشاور ہائیکورٹ نے الیکشن کمیشن کی نظر ثانی اپیل پر محفوظ فیصلہ سناتے ہوئے الیکشن کمیشن کی درخواست منظور کرلی اور حکم امتناع واپس لے لیا۔ اور عالت نے الیکشن کمیشن کا 22 دسمبرکا فیصلہ بحال کردیا ہے۔