انڈونیشیا میں2 ٹرینوں میں تصادم سے اموات بڑھ کر 3ہو گئیں

جکارتہ: انڈونیشیا میں 2 ٹرینوں میں تصادم سے اموات بڑھ کر 3ہو گئیں ۔شنہوا کے مطابق انڈونیشیا کے صوبائی پولیس آفس کے سینئر کمشنر ابراہیم ٹومپو نے مقامی میڈیا میٹرو ٹی وی کو بتایا کہ انڈونیشیا کے مغربی صوبہ جاواکے شہر بنڈونگ میں2ٹرینوں میں تصادم سے ٹرین ڈرائیور اور اس کا معاون اور ایک ملازم ہلاک اور 10سے زائد مسافر زخمی ہوگئے۔

انہوں نے بتایا کہ ریسکیو اہلکاروں نے زخمیوں کو قریبی ہسپتال منتقل کر دیا ہے ۔ حادثے کی وجوہات کے لئے تحقیقات جاری ہیں ۔