پاک بحریہ نے بحیرہ عرب میں جنگی جہاز تعینات کردیئے

پاکستانی بحریہ نے بحری سلامتی کے حالیہ واقعات کے پیش نظر بحیرہ عرب میں اپنے جنگی بحری جہاز تعینات کردئیے ہیں ۔

پاک بحریہ کے ترجمان نے ایک بیان میں کہاکہ بحری جہاز بحیرہ عرب میں مسلسل گشت کررہے ہیں تاکہ پاکستان کی تجارتی گزرگاہوں کا تحفظ یقینی بنایاجاسکے۔

انہوں نے کہاکہ پاکستانی اور بین الاقوامی تجارتی بحری جہازوں کے تحفظ کو یقینی بنانے کیلئے تجارتی گزرگاہوں کی فضائی نگرانی بھی کی جارہی ہے ۔ترجمان نے واضح طورپر کہاکہ پاک بحریہ سمندر اور خطے میں امن وامان برقراررکھنے سے متعلق اپنی قومی ذمہ داریوں سے بخوبی آگاہ ہے۔