بلا نہیں ملا تو انتخابات کو تسلیم نہیں کر یں گے ، چیئر مین پی ٹی آئی

اسلام آباد : سپریم کورٹ آف پاکستان کے باہر گفتگو کرتے ہوئے چیئرمین پی ٹی آئی بیرسٹر گوہر نے کہا کہ جمہوریت کا تقاضہ ہے کہ ہر پارٹی کا انتخابی نشان ہو یہی انصاف کا تقاضہ ہے ۔ 

انہوں نے کہا کہ پی ٹی آئی نے بد ترین حالات میں بھی انٹرا ہارٹی الیکشن کروائے ، انہوں نے کہا کہ اگر پی ٹی آئی کو بلے کا نشان واپس نہیں ملا تو پی ٹی آئی اس الیکشن کو کسی صورت تسلیم نہیں کر ے گی ۔ 

جمہوریت کا تقاضا ہے ہر سیاسی جماعت کا انتخابی نشان ہو، بیرسٹر گوہر#GNN_Updates #GNN #BreakingNews pic.twitter.com/uFqOkU7ghm

— GNN (@gnnhdofficial) January 12, 2024

انہوں نے کہا کہ ہماری ساری امیدیں عدلیہ سے ہیں امید ہے کہ سپریم کورٹ کسی صورت بھی جمہوریت کو ڈی ریل نہیں کرے گی ۔ 

انہوں نے کہا کہ ہم سپریم کورٹ سے انصاف کی توقع کرتے ہیں ، بلا 25 کروڑ عوام کی امنگوں کا ترجمان ہے بلے کو الیکشن سے باہر کرنا جمہوریت کے نام پر بہت بڑی چوری ہے ۔