لیورپول کی ٹیم انگلش پریمیئر لیگ پوائنٹس ٹیبل میں پہلی پوزیشن پر برقرار

لندن: انگلش پریمیئر لیگ پوائنٹس ٹیبل پر لیورپول کی ٹیم سر فہرست ہے۔ لیور پول کی ٹیم 48 پوائنٹس کے ساتھ پہلی پوزیشن پر براجمان ہے جبکہ دفاعی چیمپئن مانچسٹر سٹی ،آرسنل اور آسٹن ولا کی ٹیمیں بالترتیب دوسری،تیسری اور چوتھی پوزیشن پر موجود ہیں۔

انگلش پریمیئر لیگ کے 32 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔یہ مجموعی طور پر ٹاپ فلائٹ انگلش فٹ بال کا 125واں ایڈیشن ہے جس کے شیڈول کا اعلان 15 جون 2023 کو کیا گیا تھا۔ لیگ میں شامل تمام 20 ٹیموں میں سے 16 ٹیمیں 21،21 میچز کھیل چکی ہیں۔ لیورپول کی ٹیم نے آسٹن ولا سے پہلی پوزیشن چھین لی۔دفاعی چیمپئن مانچسٹر سٹی کی ٹیم دوسری،آرسنل کی ٹیم تیسری اور آسٹن ولا کی ٹیم چوتھی پوزیشن پر ہے اور تینوں ٹیموں کے 43،43 پوائنٹس ہیں۔

ٹوٹنہام ہاٹ پور کی ٹیم 40 پوائنٹس کے ساتھ ٹیبل پر پانچویں پوزیشن پر ہے۔ویسٹ ہیم یونائیٹڈ کی ٹیم 35 پوائنٹس کے ساتھ چھٹے نمبر پر ہے۔ برائٹن اینڈ ہوو البیون اور مانچسٹر یونائیٹڈ کی ٹیموں کے 32،32 پوائنٹس ہیں اور وہ بالترتیب ساتویں اور آٹھویں نمبر پر ہیں۔ چیلسی کی ٹیم 31 پوائنٹس کے ساتھ نویں نمبر پر ہے جبکہ نیو کیسل یونائیٹڈ اور وولور ہیمپٹن کے 29،29 پوائنٹس کے ساتھ بالترتیب دسویں اور گیارہویں نمبر پر ہیں