فلسطینیوں کو ریاست بنانے کا حق سب  کو تسلیم کرنا ہو گا ، سکریٹری جنرل اقوام متحدہ

اقوام متحدہ کے سکریٹری جنرل انتونیو گوتریس نے غزہ میں جنگ کے بڑھنے کے خطرات سے خبردار کیا۔ انہوں نے کہا کہ "ہم مشرقی یروشلم سمیت مقبوضہ مغربی کنارے میں خطرناک جنگ دیکھ رہے ہیں جو مستقبل میں بڑے پیمانے پر تباہی کی جانب جا رہی ہے ۔

انہوں نے کہا کہ  جہاں ہلاکتوں میں اضافہ کے ساتھ کشیدگی اپنے عروج پر جاری  ہے۔روزانہ درجنوں فلسطینیوں کو گرفتار کیا جا رہا ہے۔ 7 اکتوبر سے اب تک 6 ہزار سے زائد فلسطینیوں کو حراست میں لیا گیا ہے۔ جن میں سے کئی کو بعد میں رہا کر دیا گیا۔ آبادکاروں پر تشدد ایک اور بڑی تشویش ہے۔

Over decades, the two-state solution has been traduced, undermined & left for dead many times.

However, it remains the only way to achieve durable & equitable peace in Israel, in Palestine & in the region. pic.twitter.com/4pAdfF75Ui

— António Guterres (@antonioguterres) January 23, 2024

اقوام متحدہ کے سیکرٹری جنرل انتونیو گوتریس نے کہا ہے کہ اسرائیل کی طرف سے فلسطینیوں کو اجتماعی سزا دینا ناقابل قبول ہے اور اس تنازع کا واحد تصفیہ دو ریاستی حل ہے۔

 انہوں نے ادارے کی سلامتی کونسل سے خطاب کرتے ہوئے کہا کہ تنازع کا دو ریاستی حل تسلیم کرنے اور فلسطینیوں کے لئے  اپنی ریاست کے حق سے انکار ناقابل قبول ہے۔

انہوں نے کہا کہ فلسطینی عوام کا اپنی ریاست بنانے کا حق سب  کو تسلیم کرنا چاہیے۔