غلط اطلاعات پوری دنیا کی سلامتی کیلئے اہم مسئلہ ہے ،مرتضی سولنگی

اطلاعات و نشریات کےو زیرمرتضیٰ سولنگی نے کہا ہے کہ مصنوعی ذہانت (آرٹیفیشل انٹیلیجنس )کے ذریعے دنیا بھر میں پھیلائی جانے والی غلط اطلاعات پوری دنیا کے ممالک اور جمہوریت کے لئے ایک بڑا خطرہ ہے۔

 لاہور میں انٹر نیشنل میڈیا اینڈ کمیو نیکشن کانفرنس سے خطاب کرتے ہوئے انہوں نے کہاکہ صحافت کا بنیادی اصول معلومات فراہم کرنا ہے لیکن عصر حاضر کے میڈیا نے اس اصول کو پامال کردیا ہے۔

وزیر اطلاعات نے نیوز رومز میں حقائق کی جانچ پڑتال کےلئے الگ شعبے پرزور دیا  بصورت دیگر پروپیگنڈہ لوگوں کو غلط راستے پر ڈال کر ملک کو نقصان پہنچائے گا۔

وزیر اطلاعات مرتضی سولنگی نے کہا میڈیا کی ذمہ داری نہایت اہم ہے کہ ملکی حالات کو مد نظر رکھتے ہوئے غلط خبروں اور افواہوں کو عوام کی پہنچ سے دور رکھیں ۔