برازیل ، مسافر کشتی الٹنے سے 8 افراد ہلاک

برازیلیا: برازیل کی ریاست باہیا میں مسافر کشتی الٹنے سے 8 افراد ہلاک ہو گئے۔

ٹی آر ٹی کے مطابق ریاست کے فائر ڈپارٹمنٹ کی جانب سے جاری کردہ بیان میں بتایا گیا کہ تودوس اوس سانتوس خلیج میں حادثے کا شکار ہونے والی مسافر بردار کشتی میں گنجائش سے زیادہ مسافر سوار تھے۔

مقامی ذرائع ابلاغ کی رپورٹس کے مطابق مسافروں کے درمیان لڑائی کے باعث کشتی الٹ گئی۔ اس حادثے میں 8 افراد کی موت کی تصدیق کی گئی ہے جبکہ لاپتہ ہونے والوں کی تلاش جاری ہے اور ہلاکتوں میں اضافے کا خدشہ ہے۔واقعہ کی تحقیقات شروع کر دی گئی ہیں۔