آسٹریلیا ویمن نے پہلے ٹی 20 انٹرنیشنل میچ میں جنوبی افریقہ ویمن کو 8 وکٹوں سے ہرا دیا

کینبرا: آسٹریلیا ویمن نے پہلے ٹی 20 انٹرنیشنل میچ میں جنوبی افریقہ ویمن کو 8 وکٹوں سے ہرا کر 3 میچوں کی سیریز میں 0-1 کی برتری حاصل کرلی۔

فاتح ٹیم نے 148 رنز کا ہدف آخری اوور میں 2 وکٹوں کے نقصان پر حاصل کر لیا ۔ بیتھ مونی کو 72 رنز کی ناقابل شکست اننگز کھیلنے پر پلیئر آف دی میچ قرار دیا گیا ۔ گزشتہ روز منوکا اوول، کینبرا میں کھیلے گئے میچ میں جنوبی افریقہ ویمن نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 147 رنز بنائے۔

تزمین برٹس نے 59 رنز کی عمدہ اننگز کھیلی ، ڈارسی برائون اور ایلیز پیری نے دو ، دو وکٹیں حاصل کیں ، جواب میں آسٹریلیا ویمن نے مطلوبہ ہدف 19.1 اوورز میں 2 وکٹوں کے نقصان پر حاصل کر لیا۔

بیتھ مونی نے شاندار بیٹنگ کا مظاہرہ کیا اور 57 گیندوں پر ناقابل شکست 72 رنز بنائے جس میں ایک چھکا اور 11 چوکے شامل تھے، کپتان ایلیزا ہیلی 46 رنز کے ساتھ دوسری نمایاں بیٹر رہیں۔