گیس کی قیمتوں میں 41 فیصد مزید اضافے کی سفارش

اسلام آباد: اطلاعات کے مطابق آئل اینڈ گیس ریگولیٹری اتھارٹی (اوگرا) نے گیس کے نرخوں میں مزید اضافے کی سفارش کردی ہے۔

میڈیا رپورٹس کے مطابق وزارت پیٹرولیم نے بتایا کہ اوگرا نے گیس کی قیمتوں میں مزید 41 فیصد اضافے کی سفارش کی ہے اور حکومت کی منظوری کے بعد اضافے کا اطلاق آئندہ ماہ سے کیے جانے کا امکان ہے۔

یہ بھی بتایا گیا ہے کہ اوگرا پہلے ہی ایک سال میں گیس کے نرخوں میں 400 فیصد اضافہ کر چکا ہے۔

قابل ذکر بات یہ ہے کہ گیس کی قیمتوں میں اضافے سے متعلق نیا ٹیرف نومبر 2023 سے نافذ العمل ہوگا اور نئی پالیسی کے تحت گھریلو صارفین کو دو زمروں میں تقسیم کیا گیا ہے، یعنی محفوظ اور غیر محفوظ۔