نیویارک : ٹریول اینڈ ایڈونچر شو میں پاکستان پویلین کا افتتاح

امریکہ میں پاکستان کے سفیر مسعود خان نے نیویارک کے معروف ٹریول اینڈ ایڈونچر شو میں پاکستان پویلین کا افتتاح کیا جس میں ملک کی متنوع سیاحت کے مواقع اجاگر کیاگیا ہے۔

پاکستان ٹورازم ڈویلپمنٹ کارپوریشن' ٹریڈ ڈویلپمنٹ اتھارٹی آف پاکستان اور چوبیس نجی کمپنیوں کے نمائندوں پرمشتمل ساٹھ رکنی وفد سیاحتی میلے میں شریک ہے ۔ٹریول اینڈ ایڈونچر شو میں ہنرمند لکڑی کاکام اور روایتی گڑیا بنا کر دکھائیں گے۔

وزیرسیاحت اور چیئرمین پی ٹی ڈی سی وصی شاہ نے اپنے پیغام میں عالمی سیاحتی میلہ میں پاکستانی پویلین قائم کرنے والی ٹیم سمیت تمام شراکت داروں کو مبارک باد دی انہوں نے امید ظاہر کی کہ یہ تمام تر اقدامات پاکستان میں زیادہ غیرملکی سیاحوں کو راغب کرنے کا باعث بنیں گے۔