حیات مانیکا کی پی ایم ایل این علیحدگی ،پی ٹی آئی میں باضابطہ شمولیت کا اعلان

سابق صوبائی وزیر میاں عطا مانیکا کے صاحبزادے حیات مانیکا نے  پاکستان مسلم لیگ (ن) سے علیحدگی اختیار کرکے پاکستان تحریک انصاف (پی ٹی آئی) میں باضابطہ شمولیت اختیار کر لی۔

حیات مانیکا نے اتوار کو ایک پریس کانفرنس سے خطاب کرتے ہوئے کہا کہ حلقے کی عوام کے جذبات پر غور کرنے کے بعد پاکستان مسلم لیگ نواز سے اپنی علیحدگی کا باضابطہ اعلان کرتا ہوں، میں نے پاکستان تحریک انصاف کے ساتھ اتحاد کرنے کا انتخاب کیا ہے۔

انہوں نے کہا کہ میں پاکپتن سے الیکشن لڑ کر کامیابی خاصل کروں گا اور اپنی جیت کو کپتان عمران خان کے نام کروں گا۔ اس موقع پر ٹکٹ ہولڈرز راؤ عمر ہاشم، راؤ نسیم ہاشم، مہر معین الدین چشتی اور پاکستان تحریک انصاف کے ضلعی صدر ریاض ارشد نیازی سمیت پی ٹی آئی کے دیگر سپورٹرز اور اراکین بھی موجود تھے۔

واضح رہے کہ حیات مانیکا نے مسلم لیگ ن کا ٹکٹ حاصل کرنے میں ناکامی پر پی پی 193 سے آزاد حیثیت سے الیکشن لڑنے کا فیصلہ کیا تھا۔