ویسٹ انڈیز کرکٹ ٹیم کی 21 سال بعدبڑی کامیابی

ویسٹ انڈیز کرکٹ ٹیم نے ٹیسٹ میچ میں آسٹریلیا کو 21 سال بعد شکست دے کر نیا ریکارڈ اپنے نام کرلیا۔

آسٹریلیا اور ویسٹ انڈیز کے درمیان سیریز کا دوسرا ٹیسٹ میچ آج برسبین میں کھیلا گیا۔ ویسٹ انڈیز نے دوسرے میچ میں فتح حاصل کرنے کے ساتھ دو میچز پر مشتمل ٹیسٹ سیریز 1-1 سے برابر کردی۔

ویسٹ انڈیز کی ٹیم پہلی اننگز میں 311 اور دوسری اننگز میں 193 رنز بنا کر 216 رنز کا ہدف دینے میں کامیاب ہوئی۔ ہدف کے تعاقب میں کینگروز کی پوری ٹیم 207 رنز بنا کر پویلین لوٹ گئی۔

An inspired bowling spell from Shamar Joseph took West Indies to an unforgettable victory against Australia ?#WTC25 | #AUSvWIhttps://t.co/sSHEsqWGOf

— ICC (@ICC) January 28, 2024

آسٹریلیا کی طرف سے اسٹیو سمتھ کی شاندار 91 رنز کی اننگز بھی کینگروز کو فتح نہ دلوا سکی۔ آسٹریلوی بلے بازوں نے ویسٹ انڈیز کے فاسٹ باؤلر شمار جوسیف کے آگے گھٹنے ٹیک دیے۔

شمار جوسیف نے صرف 11.5 اوورز میں 68 رنز دے کر 7 کھلاڑیوں کو پویلین واپس بھجوایا۔ انکے ساتھ فاسٹ باؤلر الزاری جوسیف بھی 2 وکٹیں لینے میں کامیاب ہوئے۔

اس کامیابی کے ساتھ ویسٹ انڈیز نے آسٹریلیا کے خلاف مسلسل ٹیسٹ میچ ہارنے کا 21 سالہ ریکارڈ بھی توڑ دیا۔ ویسٹ انڈیز نے آسٹریلیا کے خلاف اپنا آخری میچ 2003 میں جیتا تھا۔