خیبر پختونخواہ  میں دفعہ 144نا فذالعمل ، اسلحہ کی نمائش پر پابندی

پشاور: الیکشن 2024 میں کسی بھی ناگہانی صورت حال سے بچنے کیلئے  صوبہ خیبر پختونخواہ  میں اسلحہ کی نمائش پر پابندی عائد کرتے ہوئے دفعہ 144 نافذ کردی گئی ہے ۔

ڈپٹی کمشنر پشاور نے انتخابات کے دوران اسلحہ کی نمائش پر دفعہ 144 کے تحت پابندی عائد کردی، انہوں نے کہا کہ ملکی حالات کے پیش  نظر صوبہ بھر میں اسلحہ کی نمائش پر پابندی لگائی جا رہی ہے ، تاہم اسلحہ کی نمائش پر 15 روز کے لیے پابندی عائد کی گئی ہے۔

ڈی سی کے اعلامیے کے مطابق صوبے بھر میں انتخابات کے دوران لائسنس اور بغیر لائسنس پر اسلحہ کی نمائش پر پابندی ہوگی۔

یاد رہے کہ اس سے قبل پنجاب حکومت نے بھی الیکشن 2024 کے انعقاد کیلئے صوبے بھر میں اسلحہ کی نمائش اور ہوائی فائرنگ پر پابندی عائد کرتے ہوئے دفعہ 144 نافذ کی تھی۔