ایران نے تین سیٹلائٹ لانچ کر دئیے

مغربی ممالک سے بڑھتی ہوئی کشیدگی کے دوران  ایران نے تین سیٹلائٹ لانچ کر دیئے ہیں ۔
قطری خبر رساں ادارے کی خبر کے مطابق ایران کا کہنا ہے کہ ان سیٹلائٹس کو مواصلات اور جیوپوزیشننگ ٹیکنالوجی کے ساتھ ساتھ خلا میں کارگو پہنچانے کی افادیت کی جانچ کے لیے بھی استعمال کیا جائے گا۔

ایران نے وزارت دفاع اور مسلح افواج لاجسٹکس کے تیار کردہ اپنے کیریئر راکٹ کا استعمال کرتے ہوئے پہلی بار کامیابی کے ساتھ تین سیٹلائٹ لانچ کیے ہیں۔

یہ ایک ایسا سنگ میل ہے جس کے بارے میں مغرب کو خدشہ ہے کہ تہران کے بیلسٹک میزائل پروگرام کو تقویت ملے گی۔

سیٹلائٹس کو آج کم از کم 450 کلومیٹر (280 میل) کے مدار میں بھیجا گیا تھا۔ 32 کلوگرام وزنی ایک سیٹلائٹ اور 10 کلو گرام سے کم وزن کے دو نینو سیٹلائٹ سمرگ (فینکس) سیٹلائٹ کیریئر راکٹ کا استعمال کرتے ہوئے چلائے گئے تھے۔