آئی جی پنجاب نے صوبے کی سکیورٹی بڑھانے کا حکم دے دیا

لاہور: انسپکٹر جنرل (آئی جی) پنجاب عثمان انور نے پنجاب اسمبلی سمیت صوبے بھر کی سیکیورٹی بڑھانے کا حکم دے دیا۔

تفصیلات کے مطابق عثمان انور صدارتی انتخابات کے لیے سکیورٹی معاملات کے حوالے سے میڈیا سے گفتگو کرتے ہوئے آئی جی پنجاب نے کہا کہ صدارتی انتخابات کے لیے پولنگ کے موقع پر سکیورٹی کے انتظامات کو یقینی بنایا جائے گا تاکہ اراکین اسمبلی پرامن اور محفوظ ماحول میں اپنا حق رائے دہی استعمال کر سکیں۔

عثمان انور کا مزید کہنا تھا کہ کسی کو قانون ہاتھ میں لینے کی اجازت نہیں ہونی چاہیے اگر ایسا ہوا تو پولیس شرپسندوں کے خلاف قانونی کارروائی کرے گی۔