رمضان المبارک کے پہلے عشرے کے دوران 50 لاکھ سے رائد زائرین کی مسجد نبویﷺ آمد

رمضان المبارک کے پہلے ہفتے میں مسجد نبویﷺ میں آنے والے زائرین کی تعداد لاکھوں میں پہنچ گئی۔ جنہیں سہولیات فراہم کرنے کے حوالے سے مختلف اقدامات بھی کیے گئے۔

جنرل اتھارٹی برائے امور مسجد نبویؐ کی جانب سے جاری رپورٹ میں حرمین شریفین انتظامیہ کا کہنا ہے کہ گزشتہ ایک ہفتے کے دوران باون لاکھ پچیس ہزار دو سو اکتیس زائرین کی مسجد نبویﷺ آمد ہوئی۔ زائرین میں 1 لاکھ 49 ہزار 149 تحفائف بھی تقسیم کیے گئے۔

رپورٹ کے مطابق 4 لاکھ 14 ہزار 878 زائرین نے روضہ رسولﷺ پر سلام پیش کیا، 1 لاکھ 44 ہزار 47 مرد اور 1 لاکھ 7 ہزار 697 خواتین نے ریاض الجنہ میں نماز ادا کی جبکہ گزشتہ ہفتے کے دوران ہیلپ لائن پر 6 لاکھ 48 ہزار 411 کالز موصول ہوئیں جن پر انتظامیہ کی جانب سے زائرین کی رہنمائی کی گئی۔

انتظامیہ کا کہنا ہے کہ مسجد نبویؐ کے اندرونی حصے سمیت بیرونی حصے میں بھی افطار کے خصوصی انتظامات کیے جاتے ہیں، ماہ صیام کے پہلے ہفتے کے دوران 1 لاکھ 44 ہزار  زمزم کی بوتلیں اور 15 ہزار 243 افطار بوکس تقسیم کیے گئے۔