اسرائیل غزہ تک انسانی امداد کی رسائی کی اجازت دے، جرمن چانسلر

جرمن چانسلر اولاف شولز نے اسرائیل پر زور دیا ہے کہ وہ بڑے پیمانے پر غزہ تک انسانی امداد کی رسائی کی اجازت دے۔

برلن میں میڈیا سے گفتگو کرتے ہوئے انہوں نے کہا کہ امداد کے لیے اب بڑے پیمانے پر غزہ پہنچنا ضروری ہے۔

انہوں نے غزہ کے جنوبی شہر رفح میں اسرائیل کے منصوبہ بند حملے کے بارے میں بھی تشویش کا اظہار کیا، جہاں 2.3 ملین پر مشتمل فلسطینی انکلیو کی نصف سے زیادہ آبادی نے پناہ لی ہے۔

غزہ میں اسرائیل کی فضائی اور زمینی کارروائی جو سات اکتوبر کو حماس کے حملے سے شروع ہوئی، نے زیادہ تر آبادی کو بے گھر کر دیا ہے۔ غزہ کے شہریوں کو خوراک اور دیگر اشیائے ضروریہ کی اشد ضرورت ہے۔
 اسرائیلی اعداد و شمار کے مطابق حماس کے حملے میں 1160 افراد ہلاک ہوئے جن میں اکثریت عام شہریوں کی تھی۔