اسحاق ڈار نے کابینہ کمیٹی کا اجلاس آج طلب کرلیا

اسلام آباد: وزیر خارجہ اسحاق ڈار نے کابینہ کی نجکاری کمیٹی کا پہلا اجلاس آج (ہفتہ کو) طلب کرلیا۔

تفصیلات کے مطابق کابینہ کی نجکاری کمیٹی کے آج ہونے والے پہلے اجلاس میں دو نکاتی ایجنڈے زیر غور آئیں گے۔ اجلاس میں نجکاری پالیسی کی تشکیل پر سمری پیش کی جائے گی۔

تاہم نجکاری پروگرام کی موجودہ صورتحال کا جائزہ ایجنڈے میں شامل ہے۔ سیشن میں نجکاری کے جاری پروگرام کو اپ ڈیٹ کرنے کا جائزہ بھی شامل ہے۔

حکومت نے بین الاقوامی مالیاتی فنڈ (آئی ایم ایف) کو یقین دلایا کہ وہ نجکاری پروگرام پر تیزی سے کام کریں گے۔ 25 محکمے نجکاری کی فعال فہرست میں شامل ہیں۔