پاک چین دوستی خطے میں معاشی استحکام، امن کی علامت ہے، عبدالعلیم خان

اسلام آباد: نجکاری کے وزیر عبدالعلیم خان نے کہا ہے کہ پاک چین دوستی خطے میں معاشی استحکام اور امن کی علامت ہے۔

انہوں نے ان خیالات کا اظہار چینی انجینئرزکی ہلاکت کے حالیہ واقعہ پر تعزیت کے لئے اسلام آباد میں چینی سفارتخانے کے دورے کے دوران چین کے سفیر جیانگ زیڈانگ سے گفتگو کرتے ہوئے کیا۔

وزیر نجکاری نے کہا پاکستان اور چین کے درمیان گہری دوستی اور دوطرفہ تعلقات کو کوئی نقصان نہیں پہنچا سکتا۔

عبدالعلیم خان نے کہا ہر پاکستانی چینی انجینئرز کی موت پر غمزدہ اور دل شکستہ ہے۔انہوں نے ہلاک چینی انجینئرز کے خاندانوں سے دلی ہمدردی کا اظہار کیا۔