وزیر کھیل پنجاب کا قومی ہاکی ٹیم کیلئے 20 لاکھ روپے انعام کا اعلان

وزیر کھیل پنجاب فیصل ایوب کھوکھر نے قومی ہاکی ٹیم کی کار کردگی کو شاندار قرار دیتے ہوئے انعامی رقم کا اعلان کر دیا۔

‏وزیر کھیل پنجاب فیصل ایوب کھوکھر نے اپنے سوشل میڈیا اکائونٹ ’ایکس ‘پر کہا کہ ویلڈن قومی ہاکی ٹیم، پاکستان نے جوش، جذبے، ولولے اور محنت سے اذلان شاہ کپ میں دوسری پوزیشن حاصل کی ہے۔حکومت پنجاب کی جانب سے آپ کی بہترین پرفارمنس پر 20 لاکھ روپے انعام کا اعلان کرتا ہوں۔

ویلڈن قومی ہاکی ٹیم!

ذرہ نم ہو تو یہ مٹی بڑی زرخیز ہے!

جذبے، جوش، ولولے اور محنت سے آپ نے سالوں بعد ازلان شاہ کپ کے فائنل میں بہترین کھیل پیش کرتے ہوئے دوسری پوزیشن حاصل کی۔ حکومت پنجاب کی جانب سے آپ کی بہترین پرفارمنس پر 20 لاکھ روپے انعام کا اعلان کرتا ہوں۔

قوم کی جانب سے… pic.twitter.com/kwoZaWcCza

— Faisal Saif Khokhar (@FaisalAKhokhar) May 11, 2024

ملک فیصل ایوب نے کہا کہ قوم کی جانب سے آپ کے لئے داد اور مبارکباد بھی پیش کرتا ہوں، ایک بار پھر قومی ٹیم نے عالمی افق پر قومی پرچم بلند کیا ہے، انشاء اللہ وہ دن دور نہیں جب قومی کھیل ہاکی میں ایک بار پھر دنیا میں پاکستان کا نام روشن ہو گا۔

انہوں نے مزید کہا کہ پنجاب حکومت قومی کھیل کی بحالی کے لئے ہرممکن اقدامات اٹھاتی رہے گی۔