اے ایس ایف نے بیرون ملک منشیات اسمگلنگ کی کوشش ناکام بنادی

تفصیلات کے مطابق ائیرپورٹس سیکیورٹی فورس( اے ایس ایف ) نے  اسلام آباد انٹرنیشنل ایئرپورٹ پر کارروائی کرتے ہوئے  بیرون ملک   منشیات اسمگلنگ کی کوشش ناکام بنادی  اور  مسافر گرفتار کرلیا ہے۔

اے ایس ایف کا کہنا ہے کہ  مسافر پی آئی اے کی پرواز پی کے 187 کے ذریعے بحرین جانا چاہتا تھا۔  مسافر کے سامان کی تلاشی کے دوران ٹرالی بیگ سے 1کلو 400گرام آئس ہیروئین برآمد ہوئی ۔مسافر نے مہارت کے ساتھ منشیات ٹرالی بیگ میں ہیروئن چھپا رکھی تھی۔

ایف ایس ایف کے مطابق  مسافر کو تفتیش کے بعد مزید قانونی کاروائی کیلئے اے این ایف کے حوالے کردیا گیا۔