رحیم یار خان کی کچہ ماچھکہ میں پولیس آپریشن، مزید ایک ڈاکو ہلاک

رحیم یار خان کی کچہ ماچھکہ میں پولیس آپریشن، مزید ایک ڈاکو ہلاک، تعداد 04 ہو گئی،

ترجمان پنجاب پولیس کے مطابق  رحیم یار خان کی کچہ ماچھکہ میں شر گینگ کے ٹھکانوں پر ٹارگٹڈ کاروائیاں جاری ہیں جس کے تحت خطرناک ڈاکو فاروق شر بھی پولیس آپریشن میں ہلاک ہو گیا۔

پنجاب پولیس نے گذشتہ روز 03 خطرناک ڈاکوؤں عالم شر، نزیر شر اور حاکم شر کو کیفر کردار تک پہنچایا  جبکہ آپریشن کے دوران 07 ڈاکو زخمی ہو گئے تھے۔

ڈی پی او رحیم یار خان رضوان گوندل کے مطابق پنجاب پولیس نے شر گینگ کے ٹھکانوں کو بھاری اسلحہ سے نشانہ بنایا۔ آپریشن میں پنجاب پولیس بکتر بند گاڑیوں، بھاری اسلحہ اور جدید ٹیکنالوجی سے استفادہ کر رہی ہے۔

کچہ ماچھکہ میں شر گینگ کے ٹھکانوں کو ڈرون فوٹیج میں نذر آتش ہوتا دیکھا جا سکتا ہے، ڈی پی او رضوان گوندل