سینئر اداکار طلعت حسین انتقال کرگئے

پاکستان کے سینئر اداکار طلعت حسین طویل علالت کے بعد کراچی میں انتقال کر گئے، اہل خانہ کی طرف سے تصدیق کردی گئی۔

صدر کراچی آرٹس کونسل کے مطابق طلعت حسین کافی عرصے سے نجی ہسپتال میں زیرِ علاج تھے۔

معروف اداکارطلعت حسین کچھ عرصہ سے ذہنی بیماری ڈیمنشیا کا شکار تھے اور انہیں سینے میں بھی انفیکشن تھا۔طلعت حسین کے سوگواروں میں 2 بیٹیاں اور ایک بیٹا شامل ہیں۔

یاد رہے کہ گزشتہ ماہ فروری کوسینئر اداکار طلعت حسین کی صاحبزادی اداکارہ تزئین حسین نے بتایا تھا کہ ان کے والد کی طبیعت بہتر ہونے لگی اور اب ان کے والد پہلے سے بہتری محسوس کر رہے ہیں۔