روس، چین اور ایران کا مغربی ممالک سےایرانی جوہری معاہدہ بحال کرنے کا مطالبہ

روس، چین اور ایران نے مغربی ممالک سےایرانی جوہری معاہدہ بحال کرنے کا مطالبہ کر دیا۔

غیر ملک خبر رساں ایجنسی کے مطابق بین الاقوامی ایجنسی برائے ایٹمی توانائی (آئی اے ای اے ) کے بورڈ آف گورنرز کے چھٹے اجلاس کے لئے مشترکہ بیان میں روس، چین اور ایران نے مغربی ممالک سے ایران کے جوہری پروگرام کے لیے مشترکہ جامع پلان آف ایکشن (جے سی پی اواے ) کو بحال کرنے کا مطالبہ کیا ہے۔

بیان میں مزید کہا کہ یہ تینوں ممالک اس بات پر یقین رکھتے ہیں اور 2 سال سے جاری اس کشیدگی کوروکنے بارے اقدامات کریں ۔

تینوں ممالک کا خیال ہےکہ مکمل طور پر آپریشنل جوہری معاہدہ تمام فریقین کو فائدہ پہنچانے والے تناؤ کو کم کرنے میں مدد دے گا۔ تینوں ممالک نے مطالبہ کیاہے کہ جوہری پروگرام کے سویلین کردار کو درست رکھا جائے۔