انسانی سمگلنگ کیس :صارم برنی کے  جسمانی ریمانڈ کے لیے ایف آئی اے کی استدعا منظور

انسانی بچوں کی اسمگلنگ پر صارم برنی کے  جسمانی ریمانڈ کے لیے ایف آئی اے کی استدعا منظور کر لی گئی ۔

 عدالت نے انسانی  بچوں کی اسمگلنگ کے الزام میں گرفتار سماجی رہنما صارم برنی کو دو روزہ  جسمانی ریمانڈ پر ایف آئی اے کے حوالے کر دیا۔

تفصیلات کے مطابق صارم برنی کو گزشتہ روز امریکا کی جانب سے انسانوں کی اسمگلنگ کے الزام میں کراچی ائیر پورٹ سے حراست میں لیا گیا ۔
ایف آئی اے ہیومن ٹریفکنگ سرکل  کے مطابق صارم برنی کے خلاف ایف آئی اے کی جانب سے مقدمہ بھی درج کر لیا  گیا۔ذرائع کے مطابق، دوران تفتیش صارم برنی نے خود پر عائد الزامات کو مانتے ہوئے اپنی غلطی بھی تسلیم کر لی ۔
ایف آئی اے حکام کی طرف سے صارم برنی کو جوڈیشل مجسٹریٹ شرقی کی عدالت میں پیش کیا گیا ، جہاں صارم برنی کے وکیل کی جانب سے سماجی رہنما کو مقدمے سے ڈسچارج کرنے کی استدعا کی گئی جسے عدالت نے یکسر مسترد کر دیا۔
دوسری طرف ایف آئی اے حکام کی جانب سے انسانی  بچوں کی اسمگلنگ کے مقدمے میں  مزید تفتیش کے لیے  صارم برنی کے ریمانڈ کی استدعا کی گئی ، جسے عدالت نے منظور کرتے ہوئے صارم برنی کو دو روزہ جسمانی ریمانڈ پر ایف آئی اے کے حوالے کر دیا۔