پی ٹی آئی حکومت کو  فیٹف بل پر بلیک میل کیا گیا ، پی ٹی آئی رہنما  فیصل جاوید

 پی ٹی آئی رہنما  فیصل جاوید نے  نیب ترامیم کے حوالے سے سپریم کورٹ  کے فیصلہ محفوظ کرنے کے بعد میڈیا سے گفتگو کرتے ہوئے بتایا کہ جب پی ٹی آئی حکومت میں تھی تب اپوزیشن پارٹیوں کو دعوت دی  گئی کہ پارلیمنٹ میں  بیٹھ کر بات چیت کریں  اور قانون سازی میں حصہ ڈالیں، مگر انہوں نے پی ٹی آئی حکومت کو  فیٹف بل پر بلیک میل کیا ، کیوں کہ یہ اپنےکرپشن کے کیسیز میں ریلیف کے لیے نیب ترامیم میں  اپنی من مانیاں  کرنا چاہتے تھے۔ 
سینیئر رہنما  فیصل جاوید انہوں نے جلسوں پر پابندیوں کے حوالے سے بات چیت کرتے ہوئے کہا  کہ کورونا کے دوران اسلام آباد میں اپوزیشن کا  کانپیں ٹانگی والا جلسہ ہوا مگر عمران خان کی حکومت  نے کسی کے خلاف پرچہ نہیں دیا۔ اپوزیشن نے اسلام آباد کے  ڈی چوک میں آکر 4  بار جلسے کیے، مگر حکومت کی جانب سے کسی کو گرفتار نہیں کیا گیا۔ 
انہوں نے مزید کہا کہ تاریخ بتاتی ہے  کہ عمران خان  ہمیشہ رول آف لاء کے ساتھ کھڑے ہیں۔ ملک میں وزیر اعظم کے خلاف ووٹ آف نو کانفیڈینس  کی قرار داد آئی اور آدھی رات کو عدالت کھلی ،مگر عمران خان نے فقط ڈائری اٹھائی اور گھر  چلے گئے۔  عمران خان عدالتو ں کا احترام کرتے ہیں ،مگر جسٹس سجاد علی شاہ کی عدالت میں جو کچھ ہوا وہ سب عوام کے سامنے ہے۔ 
انہوں نے بتایا کہ عدالت نے آج  عمران خان کو کہا کہ آئیں اور اپنی پارٹی کو لیڈ کریں کیوں کہ آپ ایک بہت بڑی پارٹی کے لیڈر ہیں۔ جواب میں  عمران خان نے بھی مدلل انداز میں اپنا  نقطہ نظر سامنے رکھا۔ عمران خان ہیومن رائٹس کے لیے کھڑے ہیں۔ صرف الیکشن سے ڈیموکریسی ہوتی تو زمبابوے جیسے ملک میں بھی ڈیموکریسی ہوتی۔  فری اینڈ فری الیکشن سے  اصل ڈیمو کریسی قائم ہوتی ہے۔ عمران خان اپنے ووٹر کا حق چاہتے ہیں۔
پی ٹی آئی رہنما  فیصل جاوید  نے بتایا کہ الیکشن سے قبل  عمران خان کو  پانچ دن میں  مختلف سیاسی مقدمات میں سزائیں دلوا دی گئیں۔ کوئی اور ہوتا تو اب تک بارگین کر چکا ہوتا۔  عوام جانتی ہے کہ لوگوں کے سر میں ذرا سا درد ہوتا ہے اور وہ ملک چھوڑ کر بھاگ جاتے ہیں،مگر عمران خان آج بھی ڈٹ کر اپنے مؤقف کے ساتھ کھڑے ہیں۔