ڈی جی ایف آئی اے کو عہدے سے ہٹا دیا گیا

ذرائع کے مطابق  وفاقی کابینہ نے سمری سرکولیشن کے زریعے واجد ضیاء کو ہٹانے کی منظوری دی، واجد ضیاء کو نیشنل پولیس بیورو میں تعینات کردیا گیا، آئی جی خیبر پختونخوا  ثناء اللہ عباسی کو نیا ڈی جی ایف آئی اے کو لگایا گیا ہے۔

ذرائع کا کہنا ہے کہ معظم جا کو آئی جی کے پی کے لگا دیا گیا،  صلاح الدین کو آئی جی ایف سی لگا دیا گیا۔

یاد رہے کہ  29 نومبر  2019 کو  وفاقی حکومت نے پاناما کیس میں مشترکہ تحقیقاتی ٹیم (جے آئی ٹی) کے سربراہ واجد ضیا کو وفاقی تحقیقاتی ادارے (ایف آئی اے) کا نیا ڈائریکٹر جنرل (ڈی جی) تعینات کیا تھا۔

اس سے قبل واجد ضیا ایف آئی اے کے ایڈیشنل ڈائریکٹر جنرل (امیگریشن) اور دو، دو بار انٹیلی جنس بیورو اور موٹروے پولیس میں بھی فرائض انجام دے چکے ہیں۔