آرمی چیف سے ایوان صنعت وتجارت کے نمائندہ وفد کی ملاقات

پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ سے  ایوان صنعت و تجارت کے نمائندہ وفد کی ملاقات ہوئی ہے ،  ملاقات میں کمرشل اور صنعتی ترقی میں ایوان صنعت کے کردار پر تبادلہ خیال کیا گیا ،   ملاقات میں علاقائی اقتصادی ماحول سے متعلق امور بھی زیر غور آئے ۔

آرمی چیف جنرل قمر جاوید باجوہ نے کہا کہ  ملکی اقتصادی ترقی میں تاجر برادری کا اہم کردار ہے ،  پاک فوج تاجر برادری کی مکمل سپورٹ کرے گی ۔

آئی ایس پی آر کے مطابق  تاجروں نے پاک فوج کی محفوظ ماحول کے لیے قربانیوں اور کردار کو سراہا ۔تاجروں کا کہنا تھا کہ بہتر ماحول سے ملکی اقتصادی صورتحال بہتر ہوئی ہے ۔