اداکارہ ریشم کی کورونا ویکسی نیشن کیلئے حکومتی اقدامات کی تعریف

معروف فوٹو شیئرنگ ایپ انسٹاگرام پر  اداکارہ ریشم نے کورونا ویکسین لگواتے ہوئے اپنی تصویر شیئر کی اور کورونا ویکسی نیشن کیلئے حکومتی اقدامات کی تعریف بھی کی۔

اداکارہ نے لکھا کہ  ایک خیر خواہ حکومت کو ہی اپنی عوام کی صحت کا اس درجہ خیال ہوسکتا ہے کہ جیسا اس موجودہ حکومت نے ثابت کیا ہے۔ کورونا کی ویکسین کے لیے لگائے گئے سینٹرز کی کارکردگی اتنی اچھی ہے کہ وہ لوگ جو یہ سمجھ رہے تھے کہ شاید ویکسین لگوانے کے لیے انہیں افراتفری کا سامنا کرنا پڑے گا، حکومتی سطح پر بہترین اقدامات کی بدولت آج وہ سب ہی لوگ مطمئن ہیں اور جوق در جوق ویکسین لگا بھی رہے ہیں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by therealresham (@therealresham)

اداکارہ  ریشم  نے مزید کہا کہ  میری بھی اپنے لوگوں سے یہ پُرزور اپیل ہے کہ صحت کے معاملے میں کسی بھی قسم کی غفلت نہ برتیں کیونکہ آپ کی ذرا سی غفلت آپ کی یا آپ کے گھر والوں کی زندگی کا چراغ گُل کر سکتی ہے۔اپنی اور اپنے گھر والوں کی صحت کا خیال رکھئیے کہ جان ہے تو جہان ہے۔