پاکستان
سکیورٹی فورسز کا امن کے قیام کیلئے غیر متزلزل عزم لائقِ تحسین ہے، وزیراعظم
سکیورٹی فورسز کے دہشتگردوں کیخلاف کامیاب آپریشن پر پوری قوم کو فخر ہے، شہباز شریف
![سکیورٹی فورسز کا امن کے قیام کیلئے غیر متزلزل عزم لائقِ تحسین ہے، وزیراعظم](/media/110377/conversions/shehbazsharif-1280x720.jpg)
وزیر اعظم شہباز شریف نے کہا ہے کہ سکیورٹی فورسز کے دہشتگردوں کیخلاف کامیاب آپریشن پر پوری قوم کو فخر ہے، پاکستان کے محافظوں کا ملک میں امن کے قیام کیلئے غیر متزلزل عزم لائق تحسین ہے۔
وزیر اعظم محمد شہباز شریف نے تیراہ، ضلع خیبر اور لکی مروت میں دہشت گردوں کے خلاف کامیاب آپریشن پر پاک فوج کے افسران و جوانوں کی پذیرائی کی ہے۔
انہوں نے کہا ہے کہ سکیورٹی فورسز کے اہلکاروں نے بہادری کا مظاہرہ کرتے ہوئے 9 دہشت گردوں بشمول خطرناک و انتہائی مطلوب دہشت گردوں کو جہنم واصل کیا جس پر پوری قوم کو اپنے جوانوں پر فخر ہے۔
شہباز شریف نے کہا ہے کہ پاکستان کے محافظوں کا ملک میں امن کے قیام کیلئے غیر متزلزل عزم لائق تحسین ہے، پوری قوم ملک کو دہشت گردی کی عفریت سے پاک کرنے کیلئے افواج پاکستان کے بہادر جوانوں کے شانہ بشانہ کھڑی ہے۔
پاکستان
ظلم کا نظام نہیں چلنے دیں گے ، جماعت اسلامی نے دھرنے کا اعلان کردیا
امیر حافظ نعیم الرحمنٰ نے مزید کہا کہ ملک میں اب ظلم کا نظام مزید نہیں چلے گا۔ انہوں نے دعویٰ کیا کہ جماعت اسلامی کی تحریک عوام کے موجودہ مسائل سے نجات کا سبب بنے گی
![ظلم کا نظام نہیں چلنے دیں گے ، جماعت اسلامی نے دھرنے کا اعلان کردیا](/media/110904/conversions/16183306f6a687d-1280x720.jpg)
امیر جماعت اسلامی حافظ نعیم الرحمنٰ نے اسلام آباد میں رواں ہفتے حکومت کے خلاف دھرنا دینے کا اعلان کر دیا۔
امیر جماعت اسلامی حافظ نعیم الرحمنٰ نے اعلان کیا کہ عوامی مسائل کے حل کے لیے جماعت اسلامی اب میدان میں اترے گی۔ انہوں نےکہا کہ جماعت اسلامی نے فیصلہ کیا ہے کہ وہ 12 جولائی کو اسلام آباد میں عوامی طاقت کے ساتھ بھرپور دھرنا دیں گے۔
امیر جماعت اسلامی نے میڈیا سے بات چیت کرتے ہوئے کہا کہ موجودہ حالات میں عوام کی آہ و بکا حکمرانوں تک نہیں پہنچ رہی۔ اس وقت ملک میں صنعتیں بحران کا شکار ہیں اور مہنگائی اپنے عروج پر ہے۔ ایسے حالات میں جماعت اسلامی خاموش نہیں بیٹھ سکتی۔
امیر حافظ نعیم الرحمنٰ نے مزید کہا کہ ملک میں اب ظلم کا نظام مزید نہیں چلے گا۔ انہوں نے دعویٰ کیا کہ جماعت اسلامی کی تحریک عوام کے موجودہ مسائل سے نجات کا سبب بنے گی۔
دنیا
اسرائیلی فوج نے غزہ میں اقوام متحدہ کے سکول پر بمباری کر دی، 16 شہید
اسرائیل نے ہفتے کے روز وسطی غزہ میں بے گھر فلسطینی خاندانوں کو پناہ دینے والے فلاحی ادارے کے سکول پر حملہ کیا، غیر ملکی میڈیا رپورٹ
![اسرائیلی فوج نے غزہ میں اقوام متحدہ کے سکول پر بمباری کر دی، 16 شہید](/media/110878/conversions/Gaza-1280x720.jpg)
اسرائیلی فوج نے غزہ میں قائم اقوام متحدہ کے سکول پر بمباری کر دی جس کے نتیجے میں 16 فلسطینی شہید اور 75 زخمی ہو گئے۔
غیر ملکی میڈیا کے مطابق اسرائیل نے ہفتے کے روز وسطی غزہ میں بے گھر فلسطینی خاندانوں کو پناہ دینے والے فلاحی ادارے کے سکول پر حملہ کیا۔
فلسطینی وزارت صحت کے مطابق نصیرات کیمپ میں قائم اسکول پر حملے کے نتیجے میں 16 فلسطینی شہید ہوگئے جن میں بچے بھی شامل ہیں جبکہ 50 سے زائد افراد زخمی ہوگئے۔
اس حوالے سے غزہ سول ایمرجنسی سروس کے ترجمان کی جانب سے بتایا گیا ہے کہ زخمی ہونے والوں میں بعض کی حالت انتہائی تشویش ناک ہے جس کے باعث شہادتوں کی تعداد میں اضافے کا خدشہ ہے۔
دوسری جانب اسرائیلی فوج کا کہنا ہے کہ اس علاقے میں حملہ حماس کے جنگجوؤں کی موجوگی کی اطلاع پر کیا گیا جو اس جگہ کو اسرائیلی فوجیوں کے خلاف منصوبہ بندی اور حملوں کے لیے ایک خفیہ ٹھکانے کے طور پر استعمال کر رہے تھے جبکہ حماس کی جانب سے اسرائیل کے بیان کی تردید کی گئی ہے۔
واضح رہے 7 اکتوبر 2023 سے شروع ہونے والے اسرائیلی حملوں میں اب تک 38 ہزار سے زائد فلسطینی شہید ہوچکے ہیں جن میں بچوں اور خواتین کی بھی بڑی تعداد شامل ہے۔
پاکستان
جسٹس طارق محمود جہانگیری کیخلاف سوشل میڈیا مہم پر ہنگامی اجلاس طلب
ایگزیکٹو کمیٹی نے 9 جولائی کو اس حوالے سے ہنگامی اجلاس کی طلب کر لیا ہے
![جسٹس طارق محمود جہانگیری کیخلاف سوشل میڈیا مہم پر ہنگامی اجلاس طلب](/media/110877/conversions/JucticeTariq-1280x720.jpg)
اسلام آباد ہائیکورٹ بار ایسوسی ایشن نے جسٹس طارق محمود جہانگیری کے خلاف سوشل میڈیا پر ہونے والی بدنامی پر مبنی مہم کے خلاف ایک ہنگامی اجلاس طلب کر لیا۔ ایگزیکٹو کمیٹی نے 9 جولائی کو اس حوالے سے ہنگامی اجلاس کی طلب کر لیا ہے۔
ہائیکورٹ بار ایسوسی ایشن جاری اعلامیے میں کہا گیا کہ جسٹس طارق محمود جہانگیری ایک قابل اور محنتی جج ہیں، اور ان کے بطور وکیل اور ڈپٹی اٹارنی جنرل کا شاندار پیشہ ورانہ کیریئر ہے۔ہائیکورٹ بار ایسوسی ایشن عدلیہ کی آزادی اور خود مختاری کے مقام کو مکمل یقین رکھتی ہے۔
-
پاکستان ایک دن پہلے
پیپلزپارٹی آل پارٹی کانفرنس میں شریک ہوگی، بلاول بھٹو
-
تجارت ایک دن پہلے
فلور ملز ایسوسی ایشن نے ملک گیر احتجاج کا اعلان کردیا
-
علاقائی 2 دن پہلے
حکومت پنجاب کا بجلی کی قیمتوں کے حوالے سے عوام کو ریلیف دینے کا اعلان
-
تجارت ایک دن پہلے
پیٹرولیم ڈیلرز ایسوسی ایشن نے پڑتال مؤخر کرنے کا اعلان کردیا
-
علاقائی 2 دن پہلے
خیبرپختونخواہ حکومت نے یکم محرم الحرام کو عام تعطیل کا اعلان کردیا
-
تجارت 2 دن پہلے
پٹرول موٹر سائیکل خریدنے پر پابندی عائد
-
تجارت 2 دن پہلے
ملک میں سونے کی قیمتوں میں اضافے کی ہیٹرک
-
علاقائی 2 دن پہلے
پنجاب حکومت کی محرم میں سوشل میڈیا پر پابندی لگانے کی تیاری