پاکستان کو ویکسین کی اگلی کھیپ 24گھنٹوں میں ملنے کا امکان

ذرائع محکمہ صحت کے مطابق چین کی جانب سےپاکستان کوسینوفام کےمزید5لاکھ ڈوززفراہم کی جائیں گی ، تاہم اس سلسلے میں اعلیٰ سطح پر اقدامات کرلیے گئے ہیں ۔

ذرائع محکمہ صحت نے بتایا کہ روس کی ویکسین بھی ہنگامی بنیادوں پرمنگوانےکےاقدامات کرلئےگئے،روسی ویکسین اسپوٹنک کومحدود وقت کےلیےڈریپ کی جانب سےدرآمدکرنےکی اجازت دی گئی ،کویکس کی اسٹرزیکا کے ڈوززبھی رواں ماہ کے اختتام پرآنے کی امیدہے۔

واضح رہے کہ کوویکس ایک گروپ ہے امیر ممالک کا جوترقی پذیر اور غریب ممالک کو ویکسین عطیہ کرینگے، کوویکس اسٹرزیکا کی درآمد کیلئے بھی وفاق کی جانب سے پہلے ہی دی جاچکی ہے۔

یا درہے کہ چین سے کورونا ویکسین کی پہلی کھیپ گزشتہ ہفتے پاکستان پہنچی تھی جس کے بعد ملک میں کورونا کی ویکسینیشن کا عمل جاری ہے اور پہلے مرحلے میں ہیلتھ ورکرز کو کورونا ویکسین لگائی جا رہی ہے۔ملک بھر میں ایڈلٹ ویکسینیشن مراکز قائم کیے جا چکے ہیں اور ویکسینیشن کا تمام تر عمل ڈیجیٹل میکنزم سے کنٹرول کیا جائے گا۔