نواب شاہ کے رہائشی مریض میں منکی پاکس کی تصدیق

کراچی: نواب شاہ کے رہائشی 50 سالہ مریض میں منکی پاکس کی تصدیق ہوگئی۔

اسپتال حکام کے مطابق مریض کو منکی پاکس کی علامات پر کل جناح اسپتال لایا گیا تھا جہاں اسے  جناح اسپتال سے سندھ انفیکشس ڈیزیزز اسپتال بھیج دیا گیا تھا۔

حکام نے بتایا کہ مریض کو گردوں کی بیماری بھی لاحق ہے  اور اسے قرنطینہ میں رکھا گیا ہے جس کی حالت بہتر ہے۔

محکمہ صحت کے ذرائع کا کہنا ہےکہ رواں سال سندھ میں منکی پاکس کے 44 کیسز کی تصدیق ہوچکی ہے جن میں سے 15 مریضوں کا تعلق کراچی سے ہے۔