مزاح اور سنسنی سے بھرپور پنجابی فلم ’’وائلڈ وائلڈ پنجاب‘‘  ریلیز 

لو فلم پروڈکشن اور ٹی سیریز کے بینر تلے بننے والی مزاح اور سنسنی سے بھرپور فلم ’’وائلڈ وائلڈ پنجاب‘‘ ریلیز کر دی گئی۔ 
تفصیلات کے مطابق پنجابی فلم ’’وائلڈ وائلڈ پنجاب‘‘ کو بھوشن کمار اور گلشن کمار نے بنایا، جبکہ سمرپریت سنگھ نے ہدایت کاری کی خدمات انجام دیں۔ 
اس فلم میں بھارتی اداکار ورون شرما اور منجوت سنگھ سمیت  سینئیر اداکار راجیش شرما اور اداکارہ اشیتھا راج شرما بھی شامل ہیں۔
فلم کی کہانی ایک ادھوری محبت پر مبنی ہے۔ فلم کے کردار رومانس سے لے کر شادی تک جانے کے لیے ہر حربہ استعمال کرتے ہیں، جس کے نتیجے میں فلم کے مرکزی کردار لڑائی جھگڑے اور غنڈوں کے چنگل میں پھنس جاتے ہیں۔ 
پنجابی زبان میں بنائی گئی اس فلم ’’وائلڈ وائلڈ پنجاب‘‘ کو آن لائن ویڈیو سٹریمنگ کی ویب سائٹ نیٹ فلکس پر 10 جولائی کو ریلیز کر دیا گیا ہے۔