پاکستان ایف اے ٹی ایف کی گرے لسٹ سے نکلنے کیلئے پر امید

تفصیلات کے مطابق پاکستان نے فیٹف کے27 میں سے 26پوائنٹس پر پیش رفت مکمل کرلی ہے۔ اطلاعات ہیں کہ پاکستان کو گرے لسٹ سے نکالنے یا برقرار رکھنے کا فیصلہ سیاسی نوعیت کا ہوگا۔

انٹرنیشنل کوآپریشن ریویو گروپ کا ورچوئل اجلاس آج ہو گا۔ گروپ میں چائنا، یو ایس اے، یوکے، فرانس اور انڈیا شامل ہیں۔

پاکستان کی جانب سے عملدرآمد نکات پر رپورٹ تیار کر کے پلینری اجلاس میں پیش کی جائے گی جو21 سے 25 جون تک ہوگا۔

پاکستان سے متعلق سب گروپ کی رپورٹ پیش کی جائے گی۔ پاکستان کی جانب سے ایک نکات پر عملدرآمد باقی رہ گیا ہے۔

گزشتہ میٹنگ تک پاکستان نے 24 نکات پر عملدرآمد کیا تھا۔ اس بار 26 پوائنٹس عملدرآمد کے باعث پاکستان گرے لسٹ سے نکلنے کیلئے پر امید ہے۔ پاکستان کو 2018 میں گرے لسٹ میں شامل کیا گیا تھا۔