60 دن تک دوپہر کے وقت سفر سے اجتناب کیا جائے، سعودی ماہرموسمیات کی تنبیہ

عرب خبررساں ادارے سے بات کرتے ہوئے  ان کا کہناتھاکہ گرمی کے موسم میں  صحرائی علاقوں میں اگلے ساٹھ دن انتہائی اہم ہوتے ہیں ، اس دوران دوپہر کے اوقات میں گرمی کی شدت عروج پر ہوتی ہے ،

بڑی شاہراہوں ، ہائی ویز پر گرد و غبار کا طوفان رہنے کی توقع ہوتی ہے ، گرم ریت اڑنے کی وجہ سے شاہراہ پر حد نگاہ انتہائی کم ہوجاتی ہے ۔

ایسے  میں کوئی بھی بڑ ا حادثہ رونما ہوسکتا ہے ، اس لیے دوپہر کے وقت میں ہر ممکن کوشش کی جائے کہ سفر کم کیاجائے اور اگر سفر کرنا ناگزیر ہو تو گاڑی کی رفتار زیادہ نہ رکھیں ۔

انہوں نے مزید کہا کہ سعودی عرب کے جنوب مغربی علاقے  خاص طور پر جازان ، اور اسکے علاوہ شمال اور مشرقی  علاقوں میں دوپہر کا وقت انتہائی گرم ہوتا ہے ، وہاں اس چیز کا خیال رکھنا ضروری ہے ۔

ان اوقات میں بڑی شاہراہوں پر سفر کرنا انتہائی مشکل اور حادثات کا باعث بن سکتا ہے ،ا س لیے ہائی وے پر سفر کرنے والے ان باتوں کا خیال رکھیں  ۔