بھارت میں ٹویٹر کے بعد انسٹاگرام کے خلاف ایکشن کی تیاریاں

تفصیلات کے مطابق انسٹاگرام کی جانچ پڑتال کا عمل شروع کردیا گیا ہے، دیلی پولیس  کی سپیشل سیل کی ٹیم نے ایک بڑی کارروائی  کو انجام دیتے ہوئے  انسٹا گرام کے خلا ف ایک معاملہ درج کیا ہے ۔ جس میں گزشتہ کچھ  عرصے سے انسٹاگرام پر مذہبی اور فرقہ وارانہ ماحول کو خراب کرنے کے الزام لگے ہیں ،  دہلی پولیس کے سپیشل سیل کے ذرائع کے مطابق درج ایف  آئی آر میں فی الحال کسی شخص کو نامزد نہیں کیاگیا ،

درج کی جانے والی ایف آئی آر 153اے ہے ۔ جس میں واضح طور پر فرقہ وارانہ ماحول کو ہوا دینا شامل ہوتا ہے ۔ معاملے کے حوالے سے پولیس اس کیس سے جڑے افراد سے تحقیقات کریگی ،

یاد رہے کہ فروری دو ہزار اکیس میں بھارتی حکومت نے انٹرنیٹ میڈیا کے لیے  نئے قواعد و ضوابط جاری کیے ہیں  ۔

جس کے لیے سوشل میڈیا پلیٹ فارم کو نئے اصول کی تعمیل کے لیے پچیس مئی تک کا وقت دیا گیا ہے ۔

جبکہ بھارتی حکومت کی جانب سے نافذ کیے جانے والی تاریخ تک ٹویٹر انتظامیہ کسی بھی صورت میں ان نئے قوانین پر عمل کرنا نہیں چاہتی ۔

بھارتی حکومت نے ٹویٹر کمپنی کا آخر نوٹس پانچ جون کو جاری کیا تھا، اور ٹویٹر کو ہر صورت ان تمام نئے بنائے گئے قونین پر عمل کرنے کی ہدایت کی گئی تھی  ۔

تاہم عمل نہ کرنے کی صورت میں ٹویٹر کے خلاف بھارتی  وزارت الیکٹرونکس اینڈ انفارمیشن ٹیکنالوجی کسی بھی طرح کی کارروائی کرنے کی مجاز ہوگی ۔