اگر عمران خان قانون توڑے تو اس کیخلاف بھی کارروائی ہونی چاہیے،وزیراعظم

اسلام آباد پولیس کے ایگل اسکواڈ کے افتتاح کے بعد خطاب کرتے ہوئے وزیر اعظم عمران خان نے کہا کہ  جنگل کے اندر  طاقت کی حکمرانی ہوتی ہے، انسانی معاشرے میں قانون کی حکمرانی ہوتی ہے، آج سے 50سال پہلے پاکستان تیزی سے آگے جارہا تھا۔

وزیراعظم عمران خان نے کہا کہ  پولیس کو کسی کی فکر نہیں کرنی چاہیے،قانون سب کے لیے برابر ہونا چاہیے،پولیس کو غریبوں کو سختی سے ڈیل نہیں کرنا چاہیے، جس معاشرے میں امن ہوتا ہے وہاں خوشحالی آتی ہے، جب پولیس اپنا کام کرتی ہے تو ملک میں خوشحالی آتی ہے،  امن تب آتا ہے جب طاقت ور کو قانون کے نیچے لایا جائے، اگر عمران خان قانون توڑے تو اس کیخلاف بھی کارروائی ہونی چاہیے۔