اسلام آباد یونائیٹڈ نے پشاور زلمی کو 15 رنز سے شکست دے دی

تفصیلات کے مطابق ابوظبی کے شیخ زید اسٹیڈیم میں کھیلے جانے والے میچ میں پشاور زلمی کی ٹیم اسلام آباد یونائیٹڈ کی جانب سے دیے جانے والے 248 رنز کے تعاقب میں 6 وکٹوں کے نقصان پر 232 رنز بناسکی۔

Malik MAGIC ?#HBLPSL6 | #MatchDikhao | #IUvPZ pic.twitter.com/jGqlVXFFdR

— PakistanSuperLeague (@thePSLt20) June 17, 2021

شعیب ملک اور کامران اکمل کی نصف سنچریاں بھی زلمی کو شکست سے نہ بچاسکیں، دونوں کھلاڑیوں نے بالترتیب 68 اور 53 رنز کی اننگز کھیلی۔شرفین ردرفورڈ 8 گیندوں پر 29 رنز بنا کر نمایاں رہے، اوپنر حضرت اللہ ززئی بغیر کوئی رن بنائے پویلین لوٹ گئے، امام الحق 7 رنز بناسکے۔

کپتان وہاب ریاض 28 اور عمید آصف 20 رنز کے ساتھ ناٹ آؤٹ رہے۔اسلام آباد یونائیٹڈ کے عاکف جاوید نے تین کھلاڑیوں کو پویلین کی راہ دکھائی، حسین طلعت دو اور حسن علی نے ایک وکٹ حاصل کی۔

Q: Define "giving up"@PeshawarZalmi: I don't know what that is.#HBLPSL6 | #MatchDikhao | #IUvPZ pic.twitter.com/8aQ86kn6sT

— PakistanSuperLeague (@thePSLt20) June 17, 2021

قبل ازیں اسلام آباد یونائیٹڈ نے مقررہ اوورز میں 2 وکٹوں کے نقصان پر 247 رنز بنائے اور زلمی کو جیت کے لیے 248 رنز کا ہدف دیا تھا۔

ونائیٹڈ کے کپتان عثمان خواجہ نے 105 رنز کی دلکش اننگز کھیلی، کولن منرو 47 رنز کے ساتھ نمایاں رہے۔جارح مزاج بیٹسمین آصف علی نے 14 گیندوں پر 43 رنز بنائے ان کی اننگ میں 5 چھکے اور 2 چوکے شامل تھے، برینڈن کنگ 46 رنز کے ساتھ ناٹ آؤٹ رہے۔

زلمی کی جانب سے شعیب ملک اور ثمین گل ایک، ایک وکٹ حاصل کرسکے۔

قبل ازیں پشاور زلمی کے کپتان وہاب ریاض نے ٹاس جیت کر اسلام آباد یونائیٹڈ کو پہلے بیٹنگ کی دعوت دی تھی۔

اسلام آباد یونائیٹڈ کی ٹیم میں شاداب خان کی جگہ عثمان خواجہ کپتانی کے فرائض انجام دے رہے ہیں جبکہ اسپنر فواد احمد کی ٹیم میں واپسی ہوئی ہے۔ پشاور زلمی نے اسکواڈ میں امام الحق اور وقار سلام خیل کو شامل کیا ہے۔