وزیراعظم کا انڈر 19 ٹیم کے ہر کھلاڑی کیلئے 1 کروڑ روپے انعام کا اعلان

وزیراعظم شہباز شریف نے پاکستان کی انڈر 19 ایشیا کپ کی فاتح کرکٹ ٹیم کے کھلاڑیوں کے لیے ایک ایک کروڑ روپے نقد انعام کا اعلان کیا ہے۔

انہوں نے اسلام آباد میں نوجوان کھلاڑیوں کے اعزاز میں ظہرانہ بھی دیا۔

اس کے علاوہ وزیراعظم نے ٹیم کی انتظامیہ کے ہر رکن کے لیے پچیس پچیس لاکھ روپے نقد انعام کا اعلان کیا۔

انہوں نے کہا کہ ٹیم نے اپنی شاندار کارکردگی سے پوری قوم کے دل جیت لیے ہیں۔

وزیراعظم نے ملک کا نام روشن کرنے پر ٹیم مینجمنٹ، کپتان فرحان یوسف ، سمیر منہاس، علی رضا اور دستے کے تمام ارکان کو بھی سراہا۔