انڈر 19 ایشیا کپ: پاکستان نے بنگلا دیش کو 8 وکٹوں سے شکست دے کر فائنل کے لیے کوالیفائی کر لیا

دبئی:انڈر 19 ایشیا کپ کے دوسرے سیمی فائنل میں پاکستان نے بنگلادیش کو 8 وکٹوں سے شکست دے کر فائنل کیلئے کوالیفائی کر لیا۔

تفصیلات کے مطابق دبئی میں کھیلے گئے ایونٹ کے ناک آؤٹ مقابلے میں پاکستان نے 122 رنز کا ہدف 17 ویں اوور میں 2 وکٹوں کے نقصان پر حاصل کیا۔

پاکستان کی جانب سے سمیر منہاس 69 رنزکی ناقابل شکست اننگ کھیلی ،جبکہ عثمان خان27اوراحمد حسین نے 11رنز بنائے۔

قبل ازیں دبئی میں ہونیوالے انڈر 19 کرکٹ ایشیا کپ کے پہلے سیمی فائنل میں پاکستان نے ٹاس جیت کر بنگلادیش کو پہلے بیٹنگ کی دعوت دی، تاہم پہلے بیٹنگ کرتے ہوئے بنگلادیشن کی پوری ٹیم 26.3 اوورز میں 121 رنز بناکر پویلین لوٹ گئی۔

بنگلا دیش کی جانب سے سمیعون بصیر 33اور عزیز الحکیم 20 رنزبنا کر نمایاں رہے، رفعت بیگ نے 14 رنز بنائے جبکہ دیگر کوئی کھلاڑی ڈبل فگر میں داخل نہ ہوسکا۔

پاکستان کی جانب سے عبدالسبحان نے 4 کھلاڑیوں کو آؤٹ کیا،جبکہ حذیفہ احسن نے دو کھلاڑیوں کو پویلین بھیجا،علی رضا،محمد صیام ، احمد حسین نے ایک ایک وکٹ حاصل کی ۔

خیال رہےکہ پہلے سیمی فائنل میں بھارت ، سری لنکا کوہرا کر فائنل میں پہنچ گیا،پاکستان اور بھارت کے درمیان فائنل  میچ اتوار 21 دسمبر کو کھیلا جائیگا۔