لکی مروت پولیس کی جانب سے انتہائی مطلوب افراد کی فہرست جاری

لکی مروت کی مقامی پولیس نے  گروپوں کے ساتھ تعلق اور روابط کے الزام میں مطلوب افراد کی فہرست جاری کردی ہے۔

تفصیلات کے مطابق ڈسٹرکٹ پولیس آفیسر لکی مروت  تیمورخان(PSP) کی احکامات پر لکی مروت پولیس نے 73 انتہائی مطلوب  دہشت گردوں ، بھتہ خوروں اور انکے سہولت کاروں کے فہرستیں مرتب کرتے ہوئے انکے نام ، ولدیت اور سکونت جاری کردیں۔ انکے خلاف جاری آپریشن مزید فعال کرنے کا حکم جاری کردیا گیا ہے۔ یہ فہرست ایسے وقت میں جاری کر دی گئی ہے ۔

کہ اسی ماہ کے دوران نے ضلع میں دہشتگردی اور پولیس اہلکاروں کے اغواء اور ان پر حملوں میں اضافہ ہوا تھا۔ اور اس کے خلاف لکی مروت کے پولیس اہلکاروں نے احتجاجی دھرنا تھا۔ پانچ روز تک جاری رہنے والے اس احتجاج کا اختتام پولیس کے مطالبات تسلیم کرنے پر ہوا تھا۔ اب لکی مروت پولیس نے خود مبینہ دہشت گردوں کے خلاف کارروائیوں کا آغاز کردیا ہے۔ جس کے پہلے مرحلے میں 73 مطلوب افراد کی فہرست جاری کردی گئی ہے۔ (رپورٹ کاشف الدین سید بیوروچیف پشاور)