سپین میں تاریخ کا بدترین سیلاب،60 سے زائد افراد ہلاک

 
غیر ملکی میڈیا رپورٹس  کے مطابق مشرقی اسپین کے شہر ویلنسیا سمیت دیگر شہروں  میں موسلادھار بارش کے بعد سڑکیں تالاب بن گئی ہیں اور پانی گھروں میں داخل ہوگیا ہے۔
رپورٹ کے مطابق بارشوں کے دوران اور سیلاب کے بعد ہونے والے حادثات میں اب تک 60 افراد کی ہلاکت رپورٹ ہو چکی ہے جبکہ متعدد لوگ اپنے گھروں اور دیگر جگہوں پر پھنسے ہوئے ہیں اور مدد کے منتظر ہیں۔شدید بارشوں کی وجہ سے ملک کے مختلف علاقوں میں نظام زندگی بری طرح سے متاثر ہوا ہے۔
 مقامی حکام کا کہنا ہے کہ سڑکوں کی تباہ حالی اور بندش کے باعث لوگوں کو ہیلی کاپٹرز کی مدد سے نکالا جا رہا ہے ۔