ممبئی:بھارت ہوم گراونڈ پر 25 سال بعد نیوزی لینڈ کے ہاتھوں وائٹ واش

ممبئی کے وانکھیڈے اسٹدیم میں کھلیے جانے والے سیریز کے آخری میچ میں نیوزی لیںڈ نے بھارت کو 25 رنز سے شکست دے کر تین ٹیسٹ میچوں کی سیریز تین  صفر سے جیت لی۔

تیسرے ٹیسٹ میچ میں 147 رنز کے ہدف کے تعاقب میں بھارتی ٹیم 121 رنز پر ڈھیر ہو گئی۔ نیوزی لینڈ کی جانب سے اعجاز پٹیل نے 6 اور گلین فلپس نے 3 وکٹیں حاصل کیں۔

تیسرے ٹیسٹ کی دوسری اننگز میں بھارتی کپتان روہت شرما نے 11 رنز بنائے جب کہ  شبھمن گل، ویرات کوہلی اور سرفراز خان ایک ایک رنز بناسکے۔

نیوزی لینڈ کی ٹیم پہلی اننگز میں 235 اوردوسری اننگز میں 174رنز  بنا کر آؤٹ ہوئی جب کہ میزبان بھارتی ٹیم پہلی اننگز 263 اور دوسری اننگز میں 121 رنز بناسکی۔

خیال رہے کہ  بھارت کو 25 ( 1999 ) سال کے بعد ہوم ٹیسٹ سیریز میں وائٹ واش شکست ہوئی ہے۔

واضح رہے کہ نیوزی لینڈ نے ٹیسٹ سیریز کے پہلے میچ میں بھارت کو 8 وکٹوں سے شکست دی تھی، مہمان ٹیم نے 36 سال بعد بھارت کو ہوم گراؤنڈ پر ٹیسٹ میچ میں شکست دی تھی۔

جبکہ دوسرا ٹیسٹ میچ پونے میں کھیلا گیا جہاں نیوزی لینڈ نے بھارتی سورماؤں کو  113 رنز سے شکست دے کر ٹیسٹ سیریز جیت لی تھی۔