جی ایچ کیو حملہ کیس : علی امین گنڈا پور سمیت 46ملزمان کے  وارنٹ گرفتاری جاری

جی ایچ کیو حملہ کیس میں علی امین گنڈا پور  سمیت 46ملزمان کے وارنٹ گرفتاری جاری کردیئے گئے۔

وزیر اعلی خیبرپختونخوا کے وارنٹ گرفتاری انسداد دہشتگردی عدالت راولپنڈی کے جج امجد علی شاہ نے جی ایچ کیو حملہ کیس کی سماعت کی۔

سپیشل پراسیکیوٹرکی جانب سے ملزمان کی غیر حاضری پر وارنٹ گرفتاری جاری کرنے کی استدعا کی گئی، جس پرعدالت نے غیر حاضری پر وزیر اعلیٰ خیبر پختونخواعلی امین کے وارنٹ گرفتاری جاری کرتے ہوئے انہیں عدالت پیش ہونے کا حکم دیدیا۔

اس کے علاوہ عدالت نے راجہ بشارت، زرتاج گل، بلال اعجاز سمیت دیگر 46 ملزمان کے بھی وارنٹ گرفتاری جاری کر دیئے گئے ہیں۔

ملزمان کےخلاف جی ایچ کیوحملےکامقدمہ تھانہ آراےبازارمیں درج ہے اور ملزمان پر توڑ پھوڑ، جلاؤ گھیراؤ، ہنگامہ آرائی اور کار سرکار میں مداخلت کا الزام ہے۔