شام: طرطوس میں فورسز اور معزول صدر بشار الاسد کے حامیوں میں جھڑپوں سے17 افرادہلاک

دمشق:شام کے صوبہ طرطوس میں فورسز اور معزول صدربشارالاسد کے حامیوں کے درمیان ہونے والی  جھڑپوں میں 17 افراد ہلاک اور متعدد زخمی ہوگئے۔

غیر ملکی میڈیاکے مطابق جھڑپیں بشار الاسد کے ملٹری جسٹس ڈپارٹمنٹ کے ڈائریکٹر محمد کانجو حسن کی گرفتاری کے دوران ہوئیں جس میں 17 افراد ہلاک اور 10 زخمی ہوئے۔
اس حوالے سےشامی وزیرداخلہ کا کہنا ہے کہ محمد کانجو حسن کی گرفتاری کیلئے جانے والی ٹیم پر گھات لگا کر حملہ کیا گیا، دوران کارروائی 3 مسلح افراد بھی مارے گئے۔
رپورٹس کے مطابق محمد کانجو حسن کو بدنام زمانہ صید نایا جیل میں مظالم کاذمہ دار سمجھا جاتا ہے۔
واضح رہے کہ یہ شامی صوبہ طرطوس معزول صدر بشار الاسد کا مضبوط گڑھ مانا جاتا ہے۔